सपना मध्ये बाट – स्यानु पाईजा

सपना मध्ये बाट

सपना मध्ये वाट एउटा सपना मैले अलग गरे
उभिएर म एकान्तमा म माथीको आकाश देखे
बादलहरु आकार बदल्दथे,तारा हरु चम्कन खोज्दथे
मन भन्थ्यो एउटा तारा खसोस म बरदान माग्छु
यो पहिलो पटक होईन र अन्तिम पटक पनि होईन
कयौ पटक सतह सम्म आई पुग्ने छाल जस्तै
कयौ पटक आशाहरु मनको भित्तामा ठोकिन्छन
रँगिन्छन मन रँगिन लेयरहरुले,लेयर भित्र को मन
मनले भन्छ म उनको मन जित्न सक्छु
मनले भन्छ म उनि भित्र भिज्न सक्छु
फेरि एउटा गलत ब्याख्या हुन्छ मेरो मनको
फेरि अर्को मजाक बन्छ मेरो मन जीवनको
कयौ भाकल फुकाएर आमा बनेकी आमा
सन्तान बाटै बलत्कार छुन्छे
यो कस्तो कथा हो तिम्रो००००००००००००
शब्दहरु सित म अन्यासै रिसाउछु
तिमी किन लेख्छौ यसरी घाँउहरु चिरेर
धाँउहरुलाई धोचेर नुन चुक छरेर
म तिमी सित बद्ला लिन आएको छैन
तिमीले जस्तै शब्दहरु तिखारेर
समाजका मान्यताहरु बिगाररेर
म तिम्रो आमा सित सहबास को सपना देख्दिन
सहवास को कथा पनि लेख्दिन
एकाएक एउटा कलम ले बोलेको बिद्रोह
रित्ता भित्ताहरु मा गुन्जिन्छन प्रतिध्वनिहरु
यो भित्ताको अलग कथा, यो भित्ता को अलग कोप्चा
अन्कन्टार घोप्टे भिर ढेडु बाँदरको बासस्थान बन्छ
ओर्लिनु तल कति उक्लिनु माथी अल्छि बाँदर ओछ्यान मै मुत्छ
एक जिवन भरि मुतेर बाँदरले भीरमा शिलाजीत बनाएछ
मान्छेहरुले आङ दुखेको बेला के के मिसाएर खाए
मान्छेहरुले मन दुखेको बेला के के बिर्सिएर खाए
धन्यको तिम्रो अल्छी पनि ओखती बनेछ
त्यहि ओखतीले कति को ज्यान बलवान बनेछ।
युग बोकेको कथा पिडा बनेर उभिन्छ मेरो सामु
खरानी हालेर पकाएका गिठाहरुले चुर्ना मार्दथे रे
मलाई त्यहि युग सात्न मनलाग्छ एक पल तिमी सित
फेसबुक को फोटोमा तिमीलाई चिनेर
त्यहि लाईन तिम्रो म्यासेज मा लेख्न मनलाग्छ
सपना मध्ये वाट एउटा सपना मैले अलग गरे
उभिएर म एकान्तमा म माथीको आकाश देखे
बादलहरु आकार बदल्दथे,तारा हरु चम्कन खोज्दथे
मन भन्थ्यो एउटा तारा खसोस म बरदान माग्छु
यो पहिलो पटक होईन र अन्तिम पटक पनि होईन
कयौ पटक सतह सम्म आई पुग्ने छाल जस्तै
कयौ पटक आशाहरु मनको भित्तामा ठोकिन्छन